COMUNICACIÓN DE GUERRILLA ANTE A PROLIFERACIÓN DOS PLÁSTICOS

A acción desenvolvida polo alumnado de Filo de 4º ESO tivo unha repercusión moi notable. Non só nas persoas que acudiron ao mercadillo dos mércores en Rianxo, senón e, sobre todo, nos medios de comunicación que fixeron de altofalante da mensaxe que se pretendía difundir. Podemos dicir por iso, que a estratexia de comunicación deseñada acadou plenamente o seu obxectivo: denunciar a impasibilidade ante a proliferación da contaminación por plásticos cando xa temos modos alternativos a este material. A idea foi ofrecer envases plásticos caducos polo tempo da súa degradación, ademais de cunchas de mexillón cheas tamén de plástico. Pensar e actuar, cos demais e no espazo público: necesario!

Preme na imaxe para ver a acción!