INTERVINDO NO ESPAZO PARA CREAR O RECUNCHO VERDE!

O alumnado de Proxecto competencial de 3º ESO e de 1º de Ciclo APSD desenvolveu o obradoiro Activa a túa aula verde, promovido dende o Proxecto Terra. O obradoiro conducido pola arquitecta Elena Belgrano, tivo unha parte expositiva na que se trataron contidos sobre os aspectos beneficiosos das plantas e de como integralas nos espazos nos que vivimos. Posteriormente, o alumnado organizado en grupos elaborou deseños de intervención nun espazo previamente elixido. Para, posteriormente, acometer unha primeira transformación do recuncho elixido, para a que o alumnado desenvolveu diferentes tarefas: pintando materiais reciclados, incorporando plantas e elementos decorativos, dispoñendo o conxunto... Velaí o resultado dunha acción que terá continuidade neste e noutros espazos do centro!

Preme na imaxe superior para acceder as fotos da actividade!