VISITA Á COMUNIDADE DE BAROÑA: UN EXEMPLO A SEGUIR!

Esta semana realizamos unha visita realmente importante. O alumnado de Economía, Tecnoloxía e Filosofía de 4º ESO e 1ºA BAC coñeceu de primeira man a xestión exemplar que a Comunidade de Montes de Baroña está a facer dos seus recursos. Conducidos polo Presidente da entidade Ovidio Queiruga, puidemos coñecer o modelo que están a desenvolver baseado na multifuncionalidade dos recursos dende unha perspectiva de sustentabilidade, alternativa ao chamado modelo "produtivista" baseado na explotación forestal do eucalipto. Aproveirtamento resineiro, couto de cogumelos, cría de cabuxas, ovellas, vacas cachenas e vianesas, cabalos do país e proxectos de queixarías e embutidos....son realizacións deste modelo sustentáble que puidemos coñecer e comprender o seu sentido. Ademais, por se fora pouco, realizamos tarefas de deseucaliptización e unha tarefa resumo cos contidos da experiencia. Parabéns a Baroña por abrir o camiño!!!.

Preme na imaxe para ver as actividades!

Mirade aquí as cabuxas en acción!!!